Дальнабойшчыкі стаяць у пункце пропуску «Берасце» па 100 гадзін без руху

Кіроўцы абвінавачваюць у транспартным калапсе лукашыстаў.

Пасля закрыцця пункта пропуску «Баброўнікі-Бераставіца» ў адзіным пакінутым беларуска-польскім пункце пропуску «Брэст» пачаўся калапс, уважае беларускі дальнабойшчык. Яны вымушаны стаяць у чарзе па 100 гадзін, паведамляе hrodna.life.

«Мы, дальнабойшчыкі, стаім па 100 гадзін без руху. Там калапс. На адзін пераход зашмат машын. Беларускія ўлады нічога не робяць», - уважае дальнабойшчык.

З ягоных слоў, беларускія ўлады паставілі некалькі экіпажаў ДАІ. Яны не абмяркоўваюць з польскім бокам магчымасці працаваць бесперабойна. «А пакутуем мы», - заключае дальнабойшчык. Ён мяркуе, што неўзабаве пачнецца дэфіцыт тавараў.

Як паведамляў сайт Charter97.org, міністр унутраных спраў Польшчы Марыюш Камінскі 23 сакавіка заявіў, што памежны пункт пропуску «Баброўнікі» адкрыюць на наступны дзень пасля вызвалення журналіста Анджэя Пачобута. Яго закрылі 10 лютага - неўзабаве пасля вынясення прысуду палітвязню журналісту.