Расейскія марскія пяхотнікі кідаюць сваіх параненых падчас уцёкаў ад удараў УСУ ў Вуглядары
13- 5.02.2023, 20:49
- 30,392
Украінскія байцы паказалі некалькі відэа з ганебнымі ўцёкамі акупантаў.
Байцы УСУ апублікавалі некалькі відэа з-пад Вуглядара: марскія пяхотнікі войска РФ рыхтаваліся захапіць горад на Данеччыне, але нешта пайшло не так.
Інфармацыя апублікаваная ў Telegram-канале «Птахаў Мадзьяра» і ў канале ізраільскага вайсковага экспэрта Ігаля Левіна.
На відэа ад Мадзьяра гледачы бачаць двух марпехаў, якія рухаюцца па адкрытай прасторы і не чакаюць небяспекі.
Праз імгненне побач з імі выбухае ўкраінскі набой: эпіцэнтр удару - за некалькі метраў лявей.
Пасля гэтага трэба звярнуць увагу на тое, як дзейнічаюць расейскія вайскоўцы, калі пабачылі параненага «калегу»:
перш - мінімальныя спробы выратаваць;
затым - уцёкі з месца здарэння.
Калі збеглы марскі пяхотнік быў ужо далёка, яго «калега» патрапіў пад наступны ўдар, яшчэ раз паказаўшы: расейцы сваіх заўсёды кідаюць.
На іншым відэа зафіксаваныя хаатычныя ўцёкі цэлага падраздзялення акупацыйных войскаў. Пазначана, што падзеі адбываюцца 29-га - на 5-ы дзень так званага штурму Вуглядара войскам РФ.
Пяцёрка расейскіх марскіх пяхотнікаў прабіраецца па краі поля, сведчыць відэа. Адзін - паранены: яго цягнуць па чарзе. Відавочна, гледачы бачаць наступствы няўдалай атакі ўкраінскіх пазіцый.
У пэўны момант адзін з ваякаў кідае астатніх і спяшаецца да расейскай бронемашыны, якая стаіць воддаль. Магчыма, спадзяваўся выратавацца там ад набояў.
Зрэшты, набой прылятае і ў бронемашыну.
Яшчэ некалькі кадраў хаатычнай беганіны: акупанты быццам бы не разумеюць - ці то бегчы, ці то паспрабаваць выратаваць «калегу».
Апошнія секунды запісу - поле з рэшткамі расейскіх марскіх пяхотнікаў: відавочна, хтосьці ацалеў, хтосьці схаваўся, пакінуўшы целы на волю лёсу.
Адзначым, у Twitter апублікаваны яшчэ адзін запіс - ён зроблены да атакі на Вуглядар. Шэсць расейскіх вайскоўцаў, верхам на бронемашыне, упэўненыя, што наперадзе іх чакала лёгкая перамога.
Russian soldiers in the Vuhledar area:
— Tatarigami_UA (@Tatarigami_UA) December 4, 2022
P.S. There is no doubt that all of you will die here, just don't forget to grab enough body bags for yourself and your buddies. pic.twitter.com/1yBQ0WKU8K
Аднак відэа ад украінскіх байцоў даводзіць, што перамог расейцы не бачылі, а засталіся ў палях пад Вуглядарам.