24 чэрвеня 2024, панядзелак, 10:43
Падтрымайце
сайт
Сім сім,
Хартыя 97!
Рубрыкі

Лукашысты выключылі COVID-19 з пераліку небяспечных захворванняў

6
Лукашысты выключылі COVID-19 з пераліку небяспечных захворванняў

Апублікаваны афіцыйны дакумент.

Міністэрства аховы здароўя пастановай нумар 25 ад 3 лютага змяніла пералік захворванняў, якія маюць небяспеку для здароўя насельніцтва. Дакумент сёння, 17 лютага, афіцыйна апублікаваны на Нацыянальным прававым інтэрнэт-партале.

«Пункты 1 і 7 дадатку да пастановы Міністэрства аховы здароўя Рэспублікі Беларусь ад 15 чэрвеня 2012 г. №75 «Аб устанаўленні пераліку захворванняў, якія ўяўляюць небяспеку для здароўя насельніцтва выключыць», — гаворыцца ў дакуменце.

Пад пунктам 1 у пераліку значацца пранцы і ганарэя, а пад пунктам 7 - інфекцыя, выкліканая каранавірусам COVID-19.

COVID-19 быў дададзены ў гэты спіс у пачатку 2020 года.

Як паведамляў сайт Charter97.org, падчас піку эпідэміі каранавіруса Лукашэнка адмаўляў небяспеку захворвання, заклікаючы лячыць яго гарэлкай, трактарам і лазняй. Адсутнасць каранцінных мер у Беларусі прывяла да масавай смяротнасці ад COVID-19.

Напісаць каментар 6

Таксама сачыце за акаўнтамі Charter97.org у сацыяльных сетках