Харвацкі гурт выступіць на «Еўравізіі» з песняй – кпінай з Лукашэнкі

Лейтматывам песні з'яўляецца «трактар-армагедон».

На конкурсе «Еўравізія 2023», які пройдзе ў Ліверпулі, выступіць харвацкі гурт Let 3. Ветэраны сцэны гэтай балканскай краіны выканаюць песню Mama ŠČ, якую ўважаюць за кпіну з Пуціна і Лукашэнкі. Пра гэта піша Croatia Week.

Лейтматывам песні з'яўляецца «трактар-армагедон». А таксама ў ёй ёсць словы: «Мама набыла трактар, мама пацалавала прыдурка, гэтага маленькага псіхапата, агіднага маленькага псіхапата, кракадзіла-псіхапата, мама, я іду на вайну».