УСУ атакавалі тры раёны дыслакацыі акупантаў

Вечаровая зводка Генштаба УСУ.

Узброеныя сілы Украіны атакавалі тры раёны дыслакацыі акупантаў. У той самы час войска РФ прадаўжае спробы праводзіць наступальныя дзеянні ў Данецкай вобласці.

Пра гэта паведамляе Генеральны штаб УСУ

Цягам дня праціўнік нанёс 2 ракетныя (па цывільнай інфраструктуры населеных пунктаў Славянск і Краматорск Данецкай вобласці) і 2 авіяцыйныя ўдары. Учыніў 24 абстрэлы з рэактыўных сістэмаў залпавага агню. Пагроза авіяцыйных і ракетных удараў застаецца па ўсёй Украіне.

Вораг актыўна вядзе выведку, на асобных кірунках рыхтуецца да наступу. Нягледзячы на вялікія страты, прадаўжае спробы наступальных дзеянняў на Ліманскім, Бахмуцкім, Аўдзееўскім і Навапаўлаўскім кірунках.

На Валынскім, Палескім, Северскім і Слабажанскім кірунках наступальных груповак ворага не выяўлена. На палігонах Рэспублікі Беларусь ідзе падрыхтоўка войскаў ворага. У той самы час у памежных з Украінай раёнах вораг утрымлівае пэўныя падраздзяленні, не перастае праводзіць мінамётныя і артылерыйскія абстрэлы па раёнах украінскіх населеных пунктаў. Сярод іх Клюсы і Эліна Чарнігаўскай вобласці; Кацярынаўка, Воўкіўка, Аляксандраўка і Волфіна – Сумскай і Ветэрынарнае, Няскучнае, Тэрнова, Агірцэва, Ваўчанск і Бударкі Харкаўскай вобласці.

На Купянскім кірунку пад варожы агонь трапілі раёны Дварычнай, Іваніўкі, Купянска, Кісліўкі, Катлярыўкі, Крахмальнага і Пішчанага Харкаўскай вобласці і Наваселіўскага і Стальмахіўкі Луганскай вобласці.

На Ліманскім кірунку праціўнік абстраляў Неўскае і Дзіброву Луганскай вобласці і Тэрны і Серабранку Данецкай вобласці.

На Бахмуцкім кірунку абстрэлы з танкаў і артылерыі зазналі раёны населеных пунктаў: Верхнякамянскае, Спірнае, Білагорыўка, Вяселае, Бахмут, Іваніўскае, Ступочкі, Дружба і Нью-Ёрк Данецкай вобласці.

На Аўдзееўскім кірунку пад варожы агонь трапілі Аўдзееўка, Первамайскае, Невельскае, Краснагорыўка, Георгіеўка, Мар'інка і Новаміхайлаўка.

На Навапаўлаўскім кірунку пад артылерыйскія абстрэлы трапілі Вуглядар, Новаўкраінка, Прачыстаўка, Вялікая Навасілка і Няскучнае Данецкай вобласці.

На Запарожскім кірунку пад варожы агонь патрапілі больш за 20 населеных пунктаў, сярод іншых Врэміўка Данецкай вобласці і Палтаўка, Малініўка, Гуляйполе, Чарыўнае і Новаданілаўка Запарожскай вобласці.

На Херсонскім кірунку ад артылерыйскіх абстрэлаў пацярпеў Херсон, а таксама Дзмітраўка Мікалаеўскай вобласці.

Праціўнік прадаўжае выкарыстоўваць цывільную інфраструктуру на часова захопленай тэрыторыі ў сваіх мэтах. Так, гарадскую лякарню Днепраруднага Запарожскай вобласці расейскія акупанты выкарыстоўваюць як ваенны шпіталь. Медыкаменты і лекары-хірургі прывезеныя з Расейскай Федэрацыі.

Расейскія захопнікі прадаўжаюць ціснуць на грамадзянаў Украіны, парушаць правы чалавека. Так, у Старабельску Луганскай вобласці расейская акупацыйная ўлада прымушае людзей аддаваць дзяцей ва ўзросце ад 6 гадоў у казацка-кадэцкі корпус для нібыта «правільнага патрыятычнага выхавання». Людзям, якія адмаўляюцца аддаваць сваіх дзяцей ва ўказаны корпус, пагражаюць пазбаўленнем бацькоўскіх правоў.

Падраздзяленні ракетных войскаў і артылерыі Сілаў абароны Украіны за дзень падбілі 3 раёны групавання жывой сілы і пункт кіравання акупантаў.