Пад Вуглядарам УСУ разбілі часткі «элітнай» брыгады марскіх пяхотнікаў РФ

Вялікія страты і дрэннае надвор'е падарвалі баяздольнасць расейцаў у гэтым раёне.

Нягледзячы на лакалізаваныя наступальныя дзеянні акупантаў на захадзе Данецкай вобласці, расейскім сілам не ўдалося ўстанавіць кантроль над пазіцыямі ў Вуглядары.

Са звестак украінскіх вайскоўцаў, вялікія страты і дрэннае надвор'е стрымліваюць баяздольнасць расейцаў у гэтым раёне, гаворыцца ў паведамленні амерыканскага Інстытута вывучэння вайны (ISW).

«Украінскі вайсковец паведаміў, што за першыя дні аднаўлення расейскага штурму пад Вуглядарам украінскія войскі ліквідавалі самыя дасведчаныя расейскія фармаванні, а 155-я АМБр Ціхаакіянскага флоту панесла вялікія страты», - гаворыцца ў паведамленні.

Падкрэсліваецца, што расейскія сілы назапасілі вялікую колькасць сіл у гэтым раёне і, магчыма, будуць працягваць лакалізаваны наступ, каб захапіць Вуглядар.

Пры гэтым 30 студзеня расейскія крыніцы апублікавалі кадры, на якіх нібыта бачна, як элементы 155-й брыгады марской пяхоты ўваходзяць у Вуглядар, а адна расейская крыніца сцвярджае, што на 30 студзеня ў самым населеным пункце працягваюцца баі. 31 студзеня расейскі ваенкар заявіў, што ўкраінскія сілы перакінулі вялікую колькасць асабовага складу ў раён Вуглядара, дадалі ў ISW.