ВНУ выставілі новыя цэннікі за навучанне
8- 4.12.2023, 12:59
- 7,558
![ВНУ выставілі новыя цэннікі за навучанне](https://i.c97.org/ai/282086/aux-head-1520504674-20180308_studenty_t.jpg)
На колькі больш зараз будуць плаціць студэнты?
Міністр адукацыі Андрэй Іванец тыдзень таму анансаваў, што кошт навучання ў ВНУ вырасце ад 3 да 17 адсоткаў. 1 снежня гэта адбылося. На сайтах некаторых універсітэтаў ужо апублікавалі новыя кошты, заўважыла «Зеркало».
У Беларускім дзяржаўным медыцынскім універсітэце больш за ўсё кошты паднялі для будучых стаматолагаў. У параўнанні з 1 верасня 2023-га кошт навучання на гэтай спецыяльнасці вырас на 878 рублёў. Тым, хто вучыцца на “Лячэбнай справе” і “Педыятрыі”, плаціць давядзецца на 750 рублёў больш. Кошты ў галоўным медычным вузе краіны памяняліся такім чынам:
На сайце БДМУ сказана, што даплаціць розніцу ў кошце за першае паўгоддзе трэба да 14 студзеня 2024 года. На розных спецыяльнасцях яна складае ад 75 да 219 рублёў.
У Беларускім дзяржаўным універсітэце інфарматыкі і радыёэлектронікі найбольш цэны падскочылі для малодшых курсаў факультэта камп'ютарных сістэм і сетак, факультэта інфармацыйных тэхналогій і кіравання, а таксама інжынерна-эканамічнага факультэта. Кошт года навучання тут узрос на 770 рублёў. Было 4 590 рублёў, стала 5 360. Для параўнання, для трэцякурснікаў некаторых спецыяльнасцей факультэта радыётэхнікі і электронікі павышэнне склала 467 рублёў - з 2803 да 3270 рублёў.
Даплату за навучанне ў першым паўгоддзі студэнты-платнікі галоўнай ІТ- ВНУ краіны павінны ўнесці да 20 снежня. На сайце навучальнай установы таксама сказана, што ў 2023 годзе выдаткі з рэспубліканскага бюджэту на падрыхтоўку спецыяліста з вышэйшай адукацыяй у гэтай ВНУ склалі 8367,31 рубля.
Нагадаем, у жніўні 2023-га міністр адукацыі Іванец заявіў, што "ў Беларусі няма платнай адукацыі", а тое, што такім лічыцца, з'яўляецца "формай сацпадтрымкі моладзі і датуецца дзяржавай".