Украінскія байцы з 63-й брыгады пры падтрымцы трох танкаў прымусілі расейцаў уцякаць
- 4.12.2023, 11:24
- 2,940
![Украінскія байцы з 63-й брыгады пры падтрымцы трох танкаў прымусілі расейцаў уцякаць](https://i.c97.org/ai/574070/aux-head-1701678252-20231204_tank_vsu_360.jpeg)
Абаронцы Украіны вядуць баі на ўсіх адцінках фронту, у тым ліку і на Харкаўшчыне з Луганшчынай.
Сёння, 4 снежня, украінскі журналіст Юры Бутусаў выклаў у Сеціва кадры начнога бою Узброеных сіл Украіны і УС РФ. На відэа можна ўбачыць, як пяхотнікі з 63-й брыгады пры падтрымцы адразу трох танкаў пайшлі на пазіцыі ворага ў раёне Дзіброва, піша dialog.ua.
На кадрах можна ўбачыць блізкі бой вайсковай тэхнікі, якая вядзе прыцэльны агонь па пазіцыях акупантаў. У апошніх не вытрымалі нервы, і яны пакінулі свае акопы.
Аналітыкі з Інстытута вывучэння вайны таксама пацвердзілі інфармацыю што да баёў у раёне Дзіброва. Кадры з геалакацыяй ад 29 лістапада і 2 снежня пацвердзілі прасоўванне УСУ ў раёне Дзіброва.
Z-каналы таксама пішуць, што войска Пуціна вядзе наступальныя баі ў раёне Сінькоўкі і Кіслоўкі, аднак за месяц баёў істотнага прагрэсу не было дасягнута.
У раёне вёскі Дзіброва УСУ супрацьстаяць акупантам з фармавання «Расейскі легіён». А ў раёне Берастава - 123-я мотабрыгада «ЛНР».