Для беларусаў зачыняецца яшчэ адно акно для міжнародных грашовых пераводаў
3- 1.12.2023, 18:00
- 11,132
![Для беларусаў зачыняецца яшчэ адно акно для міжнародных грашовых пераводаў](https://i.c97.org/p/articles/ai-181183-aux-head-20151203_money_dollar_euro_360.jpg)
З 11 снежня.
«Альфа-Банк» з 11 снежня пачне абмяжоўваць SWIFT-пераводы на рахункі кліентаў польскага банка PKO Bank Polski. Пра гэта паведаміла прэс-служба банка.
Адпраўка SWIFT-пераводаў у польскі банк будзе спыненая з 11 снежня, а прыём – з 16 снежня. Змяненні тычацца як пераводаў праз карэспандэнцкі рахунак банка, так і адпраўкі грошай у банк PKO наўпрост.
«Мы шукаем новы банк-карэспандэнт для пераводаў у краіны ЕЗ. Пакуль жа ў Альфе працуюць міжнародныя пераводы ў расейскіх рублях, кітайскіх юанях і іншых валютах», – папярэдзілі ў банку.
Заходнія краіны пачалі ўводзіць санкцыі супраць беларускіх банкаў з вясны 2022 года. Гэтыя захады сталі адказам на спрыянне рэжыму Лукашэнкі ваеннай агрэсіі Расеі супраць Украіны.