УСУ ўдарылі па «адміністрацыі» акупантаў у Херсонскай вобласці
1- 1.12.2023, 17:16
- 6,610
![УСУ ўдарылі па «адміністрацыі» акупантаў у Херсонскай вобласці](https://i.c97.org/ai/573779/aux-head-1701439996-20231201_mayachka_360.jpg)
Будынак моцна пашкоджаны.
УСУ ўдарылі па «адміністрацыі» акупантаў у акупаваным пасёлку Новая Маячка на левабярэжнай частцы Херсонскай вобласці, размешчаным за дваццаць кіламетраў наўпрост ад свабоднага правага берагу Дняпра.
Пра гэта са спасылкай на мясцовых жыхароў сёння паведаміў Тэлеграм-канал «Данбас Аператыўны».
«Прылёт па будынку так званай адміністрацыі», – падпісалі адміністратары фота з наступствамі атакі.
На паказаных фатаграфіях відаць, што будынак моцна пашкоджаны. А характар разбурэнняў дазваляе выказаць здагадку, што гэта высокадакладныя снарады ад рэактыўнай сістэмы залпавага агню HIMARS.
Інфармацыі пра страты інтэрвентаў і калабарантаў пакуль няма.
![](https://i.c97.org/ai/573779/aux-1701439876-nova-Mayachka-605x392.jpg)
![](https://i.c97.org/ai/573779/aux-1701439876-nova-Mayachka1-605x349.jpg)
![](https://i.c97.org/ai/573779/aux-1701439876-33-605x310.jpg)