Жыхар Шчучынскага раёна ў масцы і з кухоннай сякерай напаў на пенсіянерку

Яна аддала яму ўсе грошы.

У Шчучынскім раёне мужчына з кухоннай сякерай напаў на пенсіянерку. Як паведамілі ў Следчым камітэце, удзень 20 студзеня 55-гадовы мужчына ў масцы ўварваўся да пенсіянеркі ў дом і, пагражаючы кухоннай сякерай, патрабаваў аддаць яму грошы. Жанчына выканала ўсе патрабаванні, баючыся за сваё жыццё, пасля чаго фігурант уцёк.

Пенсіянерка пазнала нападніка і паведаміла ў міліцыю. Мужчыну затрымалі па месцы жыхарства. У яго канфіскаваныя выкрадзеныя грошы, сякера і маска.

У дачыненні да жыхара Шчучынскага раёна распачалі крымінальную справу на падставе ч.2 арт.207 КК Беларусі (Разбой, учынены з пранікненнем у жыллё).