The Washington Post: Пуцін у катастрафічнай сітуацыі

Дыктатар не ведае, каму даверыць кіраваць вайной.

11 студзеня міністр абароны РФ Сяргей Шайгу прызначыў камандзірам так званай «спецыяльнай ваеннай аперацыяй» начальніка Генштаба Валерыя Герасімава. Сяргей Суравікін, які ўзначаліў яе ў кастрычніку, паніжаны на пасадзе да намесніка камандзіра.

Гэтая ракіроўка сведчыць пра тое, што Пуцін спрабуе выправіць праблемы расейскага войска. Пра гэта выданню The Washington Post заявіў аналітык і экспэрт у бяспецы Марк Галеоці.

"Ён (Пуцін, - рэд.) думае, што ўсё, што трэба, - гэта новы чалавек", - адзначыў экспэрт.

Пуцін мяркуе, што Суравікін павінен пакутаваць, паколькі не змог дабіцца значных перамог на фронце.

Выданне піша, што кадравыя перастаноўкі ў вайсковым кіраўніцтве выявілі рост супярэчнасцяў у камандаванні. Аналітыкі мяркуюць, што паніжэнне Суравікіна на пасадзе было відавочным грэбаваннем да кіраўніка Чачэніі Рамзана Кадырава і кіраўніка ПВК «Вагнера» Яўгена Прыгожына.

Расейскі палітолаг Таццяна Станава думае, што Пуцін не можа вызначыцца, каму менавіта трэба даверыць кіраўніцтва вайной з Украінай - Суравікіну і яго прыхільнікам або Герасімаву і яго аднадумцам.

«Праз некалькі месяцаў могуць прыбраць і Герасімава», - не выключыла яна.

Якімі б ні былі сапраўдныя мэты зменаў у кіраўніцтве, яны паказваюць, што Пуцін ніяк не чакаў апынуцца ў такой катастрафічнай сітуацыі, адзначае выданне.