Рэжым рыхтуецца да прыёму ваінскіх эшалонаў з Расеі
33- 27.09.2022, 15:13
- 32,664
Названыя тры кірункі.
Беларуская чыгунка рыхтуецца да прыёму вайсковых эшалонаў з Расеі, паведамляе «Супольнасць чыгуначнікаў Беларусі».
Паведамляецца, што на гэты момант вядзецца прапрацоўка наступных мерапрыемстваў. Напрыклад, па падрыхтоўцы станцый,
- камісійнае абследаванне месцаў выгрузкі (пагрузкі) з прыцягненнем службовых асоб аддзяленняў Беларускай чыгункі і камендатур органаў вайсковых злучэнняў;
- пры неабходнасці правядзенне рамонту пагрузачна-выгрузных платформ, а таксама падрыхтоўка аўтамабільных падыходаў да пагрузачна-выгрузачных месцаў на станцыях;
- праверка спраўнасці сродкаў сувязі на станцыях выгрузкі (пагрузкі) для аператыўнага кіравання вайсковымі перавозкамі;
- выдзяленне работнікаў чыгуначнага транспарту для арганізацыі пропуску тэхнікі праз чыгуначныя пераезды і забеспячэнне іх сродкамі сувязі.
Забеспячэнне рухомым складам:
- вызначэнне прыдатнасці запланаваных да выкарыстання грузавых вагонаў у міжнародных злучэннях у адпаведнасці з патрабаваннямі, правядзенне мерапрыемстваў для паскарэння рамонту рухомага саставу;
- адбор грузавых вагонаў з укладаннем дамоваў арэнды і абслугоўвання;
- па арганізацыі руху воінскіх эшалонаў і манеўровай работы на станцыях:
- замацаванне на станцыях выгрузкі манеўровых лакаматываў;
- распрацоўка графікаў руху воінскіх эшалонаў па Беларускай чыгунцы (пасля падачы плана воінскіх чыгуначных перавозак);
- выдзяленне неабходнай колькасці лакаматыўных брыгад для паскоранага прасоўвання воінскіх эшалонаў;
- арганізацыя ўзаемадзеяння з Цэнтральнай дырэкцыяй управы руху-філіяла ААТ «Расейскай чыгункі» ў пытаннях узгаднення парадку аператыўнага вяртання парожніх схем у РФ для паўторнага іх выкарыстання пад пагрузку воінскіх эшалонаў УС РФ падчас руху да месцаў разгрузкі на тэрыторыі Рэспублікі Беларусь.
Асноўныя чыгуначныя памежныя пераходы, па якіх чакаецца прыём у Беларусь:
1. Чырвонае - Асінаўка.
2. Злынка - Закапыцце.
3. Завярэжжа - Езярышча.