УСУ знішчылі варожую зенітную ўстаноўку, агонь перакінуўся і на склад боепрыпасаў
2- 24.09.2022, 19:09
- 7,718
Украінскія вайскоўцы б'юць без промаху.
Украінскія вайскоўцы знішчылі расейскую зенітную ўстаноўку ЗУ-23-2 і прадухілілі абстрэл пазіцый сваіх абаронцаў. Пра гэта паведамляе Генштаб УСУ.
- Нападнікам не ўдалося правесці абстрэл пазіцый украінскіх войскаў. Дакладны стрэл - і расейская зенітная ўстаноўка ЗУ-23-2 на базе аўтамабіля «Зіл-131» палае як сцірта саломы, - гаворыцца ў паведамленні.
Пры гэтым кіроўца аўтамабіля пачаў уцякаць у бок магчымай дапамогі, але даставіў акупантам яшчэ большыя клопаты, бо агонь перакінуўся на варожы склад боепрыпасаў.