28 сакавiка 2024, Чацвер, 23:40
Падтрымайце
сайт
Сім сім,
Хартыя 97!
Рубрыкі

Эпідэміёлаг назвала сімптомы новага штаму «амікрон-ніндзя», які прыйшоў у Беларусь

3
Эпідэміёлаг назвала сімптомы новага штаму «амікрон-ніндзя», які прыйшоў у Беларусь

Новую хвалю чакаюць ужо ў верасні.

Захворванне на новы субварыянт штаму каранавіруса ВА 2.75 «амікрон-ніндзя», які распаўсюдзіўся па свеце і ўжо пару тыдняў фіксуецца і ў Беларусі, падобны да звычайнай застуды, але ёсць нюансы. Аб сімптомах хваробы расказала дзяржаўным СМІ кандыдатка медыцынскіх навук, загадчыца кафедры эпідэміялогіі БДМУ Ірына Вальчук.

Са слоў медыка, выпадкі «ніндзя» ў Беларусі пакуль рэгіструюцца адзінкавыя, інфекцыя ў асноўным пераносіцца ў лёгкай форме. Яе плынь падобная да сезонных застуд, бо «ніндзя» пашкоджвае найперш менавіта верхнія дыхальныя шляхі.

Вось якія сімптомы ў новага падвіда віруса:

павышэнне тэмпературы да 38 градусаў, часам вышэй;

ламаніна ў цягліцах і суставах;

начная патлівасць;

закладзенасць носа, катар;

ахрыпласць або пяршэнне ў горле;

чханне і сухі кашаль;

зніжэнне апетыту, слабасць, галаўныя болі;

парушэнні працы страўнікава-кішэчнага тракту - млоснасць, ваніты, боль ці ўздуцце ў жываце, пякотка, дыярэя;

у нячастых выпадках - страта адчування смакаў і нюху;

у дзяцей магчымыя высыпанні на скуры.

Эпідэміёлаг адзначыла, што з пачатку жніўня захворванне на каранавірусы ў Беларусі расце, але ў верасні, з пачаткам навучальнага года, медыкі чакаюць значны ўздым хвалі, пік якой наступіць у лістападзе-снежні.

Нагадаем, штам «ніндзя» назвалі так за імклівасць яго распаўсюджвання дзякуючы здольнасці больш эфектыўна пераадольваць імунітэт. Ён таксама можа выклікаць паўторнае захворванне ва ўжо перахварэлых.

Напісаць каментар 3

Таксама сачыце за акаўнтамі Charter97.org у сацыяльных сетках