УСУ разбілі чацвёрты мост у Херсонскай вобласці
6- 12.08.2022, 21:37
- 23,192
Расейцы выкарыстоўвалі яго для перакідвання тэхнікі.
Узброеныя сілы Украіны сёння трапілі ў чацвёрты і астатні мост у Херсонскай вобласці, які вораг выкарыстоўваў для перакідвання тэхнікі на правабярэжную частку.
Пра гэта паведамляе ў Facebook дэпутат Херсонскай абласной рады Сяргей Хлань.
«Сёння УСУ патрапілі ў астатні чацвёрты мост, які злучаў Правы і Левы берагі. Гэта значыць, расейцы больш не маюць ніякай магчымасці паўнавартасна перакідваць сваю тэхніку», - адзначыў ён.
З ягоных слоў, акупанты будуць спрабаваць рамантаваць масты і шукаць альтэрнатыву ў пераправах, але гэта зойме шмат часу. Акрамя таго, вораг баіцца і рыхтуецца да контрнаступу ўкраінскіх войскаў - у Херсоне наставілі драўляных супрацьтанкавых «вожыкаў».
«Узмацнілі ціск на месцічаў - уначы праводзілі ператрусы і затрымлівалі людзей. Праз абстрэлы паселішчаў ёсць загінулыя і параненыя сярод цывільнага насельніцтва. У вобласці працягваюцца пажары», - дадаў Хлань.