Зяленскі склікаў тэрміновае пасяджэнне РНБА Украіны

Сёння Пуцін павінен прыняць пастанову аб прызнанні так званых «ЛДНР».

Прэзідэнт Украіны Уладзімір Зяленскі склікаў на сёння тэрміновае пасяджэнне Рады нацыянальнай бяспекі і абароны. Сёння прэзідэнт РФ Уладзімір Пуцін павінен прыняць пастанову аб прызнанні так званых «ЛДНР».

Зяленскі на сваёй старонцы ў Twitter пацвердзіў, што склікаў на сённяшні дзень РНБА. Адпаведную пастанову ён прыняў пасля пасяджэння Рады бяспекі РФ і кансультацый з лідарамі Нямеччыны і Францыі.

Нагадаем, сёння Пуцін правёў пасяджэнне Рады бяспекі РФ, на якое вынесенае пытанне патрэбы прызнання так званых «ДНР» і «ЛНР».