Дзякуючы шторму Польшча ўстанавіла рэкорд у ветравой энэргетыцы.

Амаль трэць энэргіі.

Дзякуючы шторму Польшча ўстанавіла рэкорд у ветравой энэргетыцы.

Магутныя вятры, якія накрылі краіны Паўночнай Еўропы на мінулым тыдні, згенеравалі рэкордны ўзровень ветравой энэргіі для Польшчы, пакрываючы амаль 30% патрэбы ў краіне, дзе большасць электраэнэргіі паступае з вугалю.

Пра гэта паведаміў польскі аператар размеркавання электраэнэргіі ў панядзелак, паведамляе AP.

У сераду ўвечары, калі ўдарыў шквальны вецер, мы зафіксавалі рэкордны ўзровень вытворчасці электраэнэргіі на ветравых электрастанцыях магутнасцю амаль 6700 мегават, сказаў Мачэй Вапінскі з Польскай энэргетычнай сістэмы PSE.

Попыт у той час у Польшчы склаў амаль 24 000 мегават, што азначае, што «ветраныя электрастанцыі забяспечылі амаль 30% попыту», сказаў Вапінскі.

PSE забяспечвае размеркаванне электрычнай энэргіі па ўсёй Польшчы.

Януш Гаявецкі, старшыня Польскай асацыяцыі ветраэнэргетыкі, кажа, што ў сярэднім ветравыя электрастанцыі забяспечваюць амаль 10% гадавой патрэбы Польшчы ў энэргіі і падкрэсліў, што іх патэнцыял можа быць значна вышэйшым.

Але паколькі шторм узмацніўся на выходных, разбурыўшы лініі электраперадачы і выклікаўшы аўтаматычнае адключэнне некаторых турбін з меркаванняў бяспекі, узровень магутнасці ветравых электрастанцый упаў прыкладна да паловы рэкорднага ўзроўню.

Аднаўляльныя крыніцы энэргіі складаюць амаль 25% энэргетычнага балансу Польшчы, і іх доля павялічваецца, асабліва ў сектарах ветравой і сонечнай энэргіі. У выніку роля чорных і бурых вуглёў памяншаецца, але ўсё яшчэ складае амаль 65% вытворчасці энэргіі ў Польшчы.