У аўторак у Беларусі чакаецца да +9 градусаў

Праз вецер абвешчаны аранжавы ўзровень небяспекі.

Аранжавы ўзровень небяспекі абвешчаны ў Беларусі 22 лютага праз моцны вецер, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У аўторак будзе воблачна, уночы з праясненнямі. Уначы пераважна па ўсходзе, раніцай і удзень у многіх раёнах краіны выпадуць ападкі (дождж, мокры снег). Уначы і раніцай на асобных адцінках дарог прагназуецца галалёдзіца. Вецер паўднёва-заходні, заходні 5—10 м/с, парывы да 14 м/с, раніцай і ўдзень на большай частцы тэрыторыі парывы 15—20 м/с.

Тэмпература паветра ўначы складзе ад мінус 2 да плюс 3. Удзень будзе 1-7 градусаў цяпла, па паўднёвым усходзе да плюс 9 градусаў.