Бутусаў: Войскі РФ са сваёй тэрыторыі абстралялі Луганшчыну і заявілі, што адбівалі «прарыў» УСУ

Менавіта Данбас з'яўляецца напрамкам асноўных дзеянняў расейскага войска.

Расея прыступіла да абвастрэння становішча на Данбасе, і менавіта Данбас з'яўляецца кірункам асноўных дзеянняў расейскага войска. Пра гэта ў Facebook паведаміў галоўны рэдактар censor.net Юры Бутусаў.

«Расейскае войска абстраляла ўкраінскую зямлю з тэрыторыі РФ. Расея заявіла пра «прарыў» украінскіх вайскоўцаў у Растоўскую вобласць і паразу двух украінскіх БМП. У 13.22 з тэрыторыі РФ расейскае войска ажыццявіла абстрэл украінскай зямлі пад Луганскам. Украінскімі вайскоўцамі зафіксавана трапленне 24 мін 120 мм мінамётаў, 125 стрэлаў аўтаматычнага гранатамёта, 27 стрэлаў гранатамёта СПГ.

Прэс-служба Паўднёвай вайсковай акругі УС РФ афіцыйна заявіла, што расейскія войскі нібыта адбілі «прарыў» украінскіх войскаў праз мяжу з РФ у раёне населенага пункта Міцякінскае Растоўскай вобласці, гэта таксама недалёка ад Луганска, пад самай мяжой», - гаворыцца ў паведамленні.

Акупанты паведамілі, што расейскія войскі нібыта знішчылі 2 украінскія БМП і забілі 5 чалавек. Аднак украінскія вайскоўцы любыя страты адмаўляюць, а таксама адмаўляюць, зразумела, «прарыў» у Растоўскую вобласць.

«Таксама сёння расейскія медыя заявілі пра прарыў яшчэ адной «дыверсійна-разведвальнай групы» з Украіны ў Растоўскую вобласць у раёне населенага пункта Кузнецы ў Новаазаўскім раёне Данецкай вобласці Украіны. Нібыта там знішчаны нейкі БТР. У гэтым выпадку, каб дасягнуць мяжы з РФ, украінцам спатрэбілася б для пачатку прарваць фронт 1-га вайсковага корпуса пад Новаазаўскам», - працягнуў Бутусаў.

Таксама ФСБ РФ заявіла аб знішчэнні аб'екта памежнай службы РФ нібыта ўкраінскай артылерыяй на тэрыторыі РФ. Зразумела, гэтая інфармацыя нічым не пацвярджаецца і таксама была адразу ж зняпраўджаная Украінай.

«Зразумела, відавочна фэйкавы характар абвінавачанняў супраць Украіны не мае для расейскіх медыяў ніякага значэння, як і ў 2014 годзе прапаганда выдумляе падставы да вайны. Мы бачым, што Расея прыступіла да абвастрэння абстаноўкі на Данбасе, і менавіта Данбас з'яўляецца напрамкам асноўных дзеянняў расейскага войска», - падкрэсліў журналіст.