Міністр абароны Украіны раскрыў план расейскай агрэсіі

Узровень пагрозы высокі.

Міністр абароны Украіны Аляксей Рэзнікаў агучыў сцэнар расейскай агрэсіі. Ён заявіў, што ўзровень пагрозы высокі.

Пра гэта паведамляе РБК-Украіна, спасылаючыся на брыфінг.

Паводле ягоных слоў, Украіна не змяншае пагрозу, яе ўзровень высокі, але ўлады ажыццяўляюць прагназаванне ўсіх сцэнарыяў, выбіраючы тактыку паводзін.

«Сярод іншых мы разглядалі сцэнар, што РФ паспрабуе літаральна акружыць войскамі: ад Берасця да Таганрога, па сушы, на двух морах і ў часова акупаваным Крыме. І пазначыць актыўнасць на часова акупаванай частцы Малдовы, у Прыднястроўі. Таксама чакалася, што РФ на фоне гэтага зладзіць абвастрэнне на ўсходзе Украіны», - расказаў ён.

Міністр дадаў, што ўсё гэта будзе суправаджацца іншымі сродкамі ціску: кібератакамі, мінавання грамадскіх аб'ектаў, спробамі ўчыніць беспарадкі пад рознымі падставамі.

«Мэта гэтых дзеянняў - расхістаць Украіну знутры, каб мы змянілі палітычны курс і адмовіліся ад ЕЗ і NАТJ, а ў рэшце страцілі незалежнасць. Цяпер гэты сцэнар спрабуюць увасобіць», - паведаміў ён.