У цэнтры Менска ў Свіслачы патанула жанчына

Яе асобу высвятляюць.

У Менску ў Свіслачы ў цэнтры сталіцы ў нядзелю, 20 лютага, патанула жанчына. Пра гэта паведамляе МНС у дзённых паведамленнях.

Паведамленне аб патанулай паступіла ратавальнікам аб 11.08 у нядзелю. Супрацоўнікі МНС выехалі на вуліцу Кастрычніцкую і дасталі цела жанчыны з ракі.

Яе асоба і прычына ўтаплення высвятляюцца.