Якія дыхтоўныя хаты да $20 тысяч каля азёр і лесу могуць купіць беларусы

Месцы для загараднага адпачынку.

Тым, хто шукае месца для загараднага адпачынку, але не гатовы выдаткоўваць больш за 20 тысяч даляраў, realt.by знайшоў некалькі варыянтаў. І знаходзяцца яны ў адных з самых маляўнічых куткоў краіны - побач азёры і грыбныя месцы.

Ярмолічы, 72 км ад МКАД, маладзечанскі кірунак

Тут прадаецца дыхтоўная хата на 100 «квадратаў». Ацяпленне пячное, прыбыіральня на дварэ.

Ля дома 23 соткі зямлі, моцныя гаспадарчыя пабудовы.

На тэрыторыі сад з пладовымі дрэвамі і хмызнякамі. Побач лес, Вілейскае вадасховішча, сажалка адразу за пляцам. За ўсё просяць 20 000 даляраў.

Касцюкі, 47 км ад МКАД, слуцкі кірунак

За 10 хвілін хады ад Лошанскага вадасховішча прадаецца 100-гадовы жылы дом. Прычым, ён яшчэ паслужыць - мяркуючы з фота, запас трываласці ёсць. Ён невялікі - усяго 38 «квадратаў», ацяпленне пячное.

Выгоды - у двары, вада з калодзежа. Зямельны надзел плошчай 25 сотак. За яго просяць 11 500 даляраў.

Кастыкі, 86 км ад МКАД, мядзельскі кірунак

Дом пасля рамонту, 42 «квадраты». Пляц 18 сотак. Ацяпленне пячное.

Галоўныя добрыя якасці гэтай прапановы - блізкасць да Вілейскага вадасховішча і добрага лесу. Кошт - 15 тысяч даляраў.

У гэтай жа вёсцы прадаецца яшчэ адна хата. Яна невялікая, 1952 года пабудовы. Але галоўнае - надзел прылягае проста да ракі Вілія, можна абсталяваць свой прычал.

На надзеле ёсць свідравіна 50 метраў, вялікі цагляны гараж. Ён прадаецца разам з будаўнічымі матэрыяламі. Уладальнікі ацанілі ўсё на 13 500 даляраў.

Сяргеевічы, 44 км ад МКАД, пухавіцкі кірунак

На пляцы на 14 сотак прадаецца бервяністы дом плошчай 32,4 «квадраты». Ацяпленне пячное, ёсць цэнтральнае водазабеспячэнне. У хаце можна жыць круглы год з камфортам і выгодай. Ёсць хлеў. За 5 хвілінах ад аграгарадка знаходзіцца маляўнічае возера «Сергеевічнае». Побач з аграгарадком размешчаны добры лес.

Дом ацанілі на 6 900 даляраў.

Мядзел, 130 км ад МКАД

Для тых, каму не падабаецца вясковае жыццё, ёсць дом проста ў горадзе Мядзел, на беразе аднайменнага возера. Побач ёсць яшчэ і Нарач, і Мястра, і Рудакова, і Белае, і Баторына.

Дом драўляны, 4-х пакаевы, з мансардай, плошчай 61 квадратны метр, з пляцам зямлі 8 сотак. Ёсць яшчэ лазня, хлеў, гараж. Па вуліцы пракладзены вадаправод, газ.

У крокавай даступнасці ўся гарадская інфраструктура. Кошт - 20 500 даляраў.