Белы дом: Крэмль чакаюць суровыя наступствы

ЗША папярэдзілі Расею.

У Белым доме заявілі, што Расея працягвае рыхтаваць поўнамаштабнае ўварванне ва Украіну. Напад можа адбыцца найбліжэйшым часам.

Пра гэта гаворыцца ў заяве прэс-сакратара Белага дома Джэн Псакі, паведамляе «Новое время».

«Цяпер, здаецца, Расея працягвае падрыхтоўку да поўнамаштабнага ўварвання на Украіну, якое адбудзецца найбліжэйшым часам», - падкрэсліла яна.

Псакі адзначыла, што ЗША гатовы да дыпламатычнага развязання сітуацыі, аднак не выключаюць суровых наступстваў, калі «Расея выбера вайну».