У Менску ўтварыўся вялізны затор

Кіроўцы мяркуюць, што спозняцца на працу прыкладна на гадзіну.

Напэўна, не адзін дзясятак менчукоў сёння спазніліся на працу. Усё праз затор, які ўтварыўся на паўднёвым адцінку МКАД. Затор на вонкавым коле расцягнуўся ад Мянькоўскага тракту практычна да з'езду на вул. Бабушкіна, дадаткова стварыўшы перашкоду для руху на развязках з дзяржынскай трасай Р1 і слуцкай Р23, піша onliner.by.

Даўжыня чаргі на праезд па адцінку складала амаль 10 кіламетраў. У выніку аварыі было перацята некалькі палос вонкавага кальца.

Вось як апісаў сітуацыю карыстальнік нашага форума Black-lotos: «Знешняе кольца МКАД стаіць шчыльнай сцяной у чатыры шэрагі. Аварыя, са слоў які праехаў гэта пекла, блізу 5-7 машын, перад паваротам на Калядзічы. Аб'язджайце па магчымасці».

Са слоў кіроўцаў, якія захраслі ў корку, яны разлічваюць, што спазненне на працу складзе прыкладна 1 гадзіну. НА 9:00 заторы ў Менску ацэньваліся на 8 балаў.