Пуцін і Байдэн пагадзіліся сустрэцца для перамоў

Сустрэча адбудзецца, калі Расея не нападзе на Украіну.

Прэзідэнт ЗША Джо Байдэн "у прынцыпе" пагадзіўся на сустрэчу з прэзідэнтам Расеі Уладзімірам Пуціным, калі Расея не ўварвецца ва Украіну дагэтуль. Сустрэча адбудзецца пасля сустрэчы дзяржсакратара ЗША Энтані Блінкена і міністра замежных спраў Расеі Сяргея Лаўрова 24 лютага.

Аб гэтым піша CNN са спасылкай на заяву прэс-сакратара Белага дома Джэн Псакі.

Адзначаецца, што ініцыятарам сустрэчы стаў прэзідэнт Францыі Эмануэль Макрон, які ўчора размаўляў і з кіраўніком Белага дома, і расейскім кіраўніком.