Экспэрт расказаў, як будзе паводзіцца беларускі рубель на гэтым тыдні

Эскалацыя паміж Украінай і Расеяй будзе ўплываць на валютны кошык.

Вонкавы чыннік на мінулым тыдні па-рознаму адбіўся на курсах замежных валют. Ад чаго будзе залежаць і як зменяцца даляр, еўра і расейскі рубель на гэтай пяцідзёнцы на беларускім валютным рынку? Пра гэта спецыяльна для Myfin.bу расказаў старшы аналітык кампаніі "Альпары Еўразія" Myfin.bу Вадзім Ёсуб.

- Калі казаць аб вонкавым фоне, то за мінулы тыдзень валютная пара еўра/даляр не змянілася і засталася паблізу 1,1370.

Затое расейскі рубель знізіўся як да даляра, так і да еўра праз абвастрэнне сітуацыі вакол Украіны. Даляр у Расеі падаражэў з 75,0 да 75,7 расейскага рубля, ці на 1%. Еўра падаражэў з 85,3 да 86,1 расейскага рубля, ці на той жа 1%.

Да беларускага рубля пры такіх вонкавых умовах даляр і еўра падаражэлі, а расейскі рубель патаннеў. Даляр за тыдзень вырас на 0,29%, еўра падаражэў на 0,28%, расейскі рубель знізіўся на 0,67%.

Валютны кошык патаннеў на 0,19%. Гэта ўжо другі тыдзень запар умацавання беларускага рубля да кошыка.

Мы бачым, што з новага года беларускі рубель мяняецца вельмі слаба з пункту гледжання кошту валютнага кошыка. Пры гэтым рух асобных валют амаль поўнасцю падпарадкаваны парадку дня эскалацыі паміж Расеяй і Украінай. Я думаю, такая сітуацыя захаваецца і найбліжэйшым часам.

І пры захаванні цяперашняга ўзроўню напружанасці да канца тыдня даляр можа падаражэць да 2,58 беларускага рубля,

еўра можа вырасці да 2,93 беларускага рубля,

расейскі рубель можа знізіцца да 3,37 беларускага рубля за 100 расейскіх.