У расейскім Навашахцінску дэзерцір з кулямётам напаў на паліцыянтаў

У рэгіёне ўведзены план "Сірэна".

У Растоўскай вобласці РФ мужчына з кулямётам напаў на паліцыянтаў. Па ўсім рэгіёне ўведзены план "Сірэна", паведамляе блізкі да расейскіх сілавікоў Telegram-канал Baza.

Як мяркуецца, замах на сілавікоў учыніў дэзерцір. Інцыдэнт адбыўся падчас абходу тэрыторыі трыма паліцыянтамі, якія выпадкова знайшлі мужчыну ў чорнай балаклаве і з кулямётам. Пры спробе яго затрымання незнаёмец адкрыў агонь на паразу. Адзін з паліцыянтаў атрымаў раненне ў таз, ён шпіталізаваны. Пасля перастрэлкі невядомаму ўдалося ўцячы - зараз яго шукаюць у горадзе і найбліжэйшых раёнах.