Завінавачанасць беларусаў за крэдыты ўстанавіла новы рэкорд

На што бяруць грошы ў банках?

Запазычанасць беларусаў за крэдыты з пачатку лістапада павялічылася да 16 млрд. 628,6 млн. рублёў, паведамляе Нацбанк. Гэта на 108,6 млн. рублёў больш, чым на 1 кастрычніка. Агульная запазычанасць беларусаў за банкаўскія пазыкі расце пяты месяц запар. У гэтай суме улічваюцца спажывецкія крэдыты, крэдыты на нерухомасць, на аўто, а таксама карты растэрміноўкі.

Працягвае расці агульная запазычанасць за крэдыты на нерухомасць для фізічных асоб. На пачатак лістапада яна павялічылася да 11 млрд. 740,5 млн. рублёў. Гэтая сума за кастрычнік вырасла на 82,7 млн. рублёў. Для параўнання: за верасень прырост быў на ўзроўні 79 800 000 рублёў. Агульная запазычанасць за пазыкі на нерухомасць расце як у гэтым годзе, так і на працягу 2021-га і 2020-га.

За кастрычнік выраслі і пазыкі за спажывецкія крэдыты - да 4 млрд 821,7 млн рублёў. Гэта на 26,9 млн рублёў больш, чым месяцам раней. Для параўнання: за верасень гэты паказчык вырас на 10,6 млн. рублёў, а за жнівень павялічыўся на 31 млн. рублёў. А да гэтага пазыкі за спажывецкія крэдыты зніжаліся цягам гэтага года.

Нагадаем, у сакавіку і красавіку некалькі банкаў цалкам спынілі выдаваць крэдыты насельніцтву, астатнія - урэзалі да мінімуму. Але пазней фінустановы сталі аднаўляць выдачу крэдытаў, а ў жніўні і верасні гэтая тэндэнцыя прадоўжылася.

У лістападзе банкі прыкметна знізілі адсоткавыя стаўкі за некаторыя крэдыты для фізічных асоб і юрыдычных асоб. Гэта адбылося праз пасанову Нацбанка, які перагледзеў разліковыя велічыні стандартнай рызыкі. Калі спрасціць, то гэта адсоткавая граніца за банкаўскія крэдыты. Нацбанк знізіў гэты паказчык таксама ў снежні.