Вайскоўцаў з «элітных» частак РФ бяруць у палон пад Херсонам галоднымі і змардаванымі

Акупантам літаральна няма чаго есці.

Дарадца Офіса прэзідэнта Аляксей Арастовіч расказаў, як ваююць элітныя часткі і падраздзяленні войска РФ. Акупанты недаядаюць, яны страчваюць вагу і дэмаралізаваныя, вайскоўцы краіны-агрэсаркі церпяць вялікія няўдачы.

Пра гэта Арастовіч расказаў у гутарцы з праваабаронцам Маркам Фейгіным.

Ён адзначыў, што бачыў расейскіх вайскоўцаў і тое, у якім стане яны знаходзяцца. Акупанты, якія засталіся на Херсонскім кірунку, трапляюць у палон галоднымі і дэмаралізаванымі.

«Я проста бачу гэтых палонных, на тым жа Херсонскім кірунку. Яны рэальна страцілі 10–15 кілаграмаў вагі, ім тупа жэрці няма чаго. Яны абсалютна маральна і фізічна знясіленыя, ім ужо нічога не трэба, у іх погляд у адну кропку, расстраляныя, што называецца. І яны нічога не хочуць. А гэта палонныя з элітных расейскіх падраздзяленняў, дэсантнікі, марскія пехацінцы», – расказаў Арастовіч.

Таксама ён дадаў, што на правым беразе Дняпра ў расейцаў назіраюцца вялізныя праблемы з лагістыкай. УСУ выдатна папрацавалі і цяпер акупанты наўрад ці змогуць атрымліваць падмацаванне не толькі ў выглядзе зброі, але нават у выглядзе ежы.