Фэйгін: У рэзыдэнцыю Лукашэнкі можа прыляцець ракета ці дрон

Нават калі войска Беларусі не будзе ўдзельнічаць у новым паходзе.

Пуцін «упрошвае» Аляксандра Лукашэнку, які знаходзіцца пры ўладзе ў Беларусі з 1994 года, адправіць беларускія войскі на вайну супраць Украіны. Такое меркаванне расейскі юрыст, блогер Марк Фейгін выказаў у інтэрв'ю заснавальніку інтэрнэт-выдання «ГАРДОН» Дзмітрыю Гордану.

«Пуцін упрошвае Лукашэнку, каб у гэтым паўдзельнічаць. У гэтым у мяне сумневаў няма. Гэта бачна з ягоных супярэчлівых заявах. Адзін дзень так, іншы - так. Вы ж з ім сустракаліся - разумееце, як ён сябе паводзіць. Вам ён увогуле антыпуцінскае інтэрв'ю даў за некалькі дзён да... То бок мы разумеем, што гэта за чалавек. Ён будзе да апошняга выварочвацца, да апошняга пазбягаць непасрэднага ўдзелу ў кампаніі, у паходзе на Кіеў», - сказаў юрыст.

Фейгін мяркуе, што «Пуцін можа наважыцца на атаку зноў на Кіеўскую вобласць» з боку Беларусі.

«Пытанне месца Лукашэнкі. Нават калі войска Беларусі не будзе ўдзельнічаць у гэтым паходзе, гэта ўжо з рук не сыдзе. Двойчы пусціць, значыць... І Бучай скончылася, і Барадзянкай. Дазволіць яшчэ раз нешта нават аддалена падобнае - ракеты і дроны могуць прыляцець і ў рэзідэнцыю Лукашэнкі, я думаю. З чаго б тады заставацца ў баку Польшчы, Літве? Бо войскі накіроўваюцца менавіта ў Беларусь», - патлумачыў юрыст.

Ён думае, што Лукашэнка баіцца наступстваў за ўдзел ва ўварванні ва Украіну.

«Яму больш выгадна зараз сказаць: «У мяне замежныя войскі, расейскія. Я спрабаваў. Тое, што тычыцца беларускіх злучэнняў, - яны не ўдзельнічаюць». Каго задаволіць гэтае тлумачэнне? Па-мойму, нікога», - адзначыў Фейгін.