20 кастрычнiка 2021, Серада, 6:17
Сім сім, Хартыя 97!
Рубрыкі

Гурт АВВА паказаў свае аватары, якія выйдуць замест іх на сцэну падчас сусветнага турнэ

39
Гурт АВВА паказаў свае аватары, якія выйдуць замест іх на сцэну падчас сусветнага турнэ

На лічбавых копіях артыстам на выгляд - гадоў 30-35.

Папулярны швэдскі поп-гурт АВВА, які ўз'яднаўся праз 40 гадоў пасля распаду дзеля новага альбома і будучага сусветнага турнэ, паказаў лічбавыя аватары салістаў калектыву - 71-гадовай Агнэты Фельтског, 76-гадовага Б'ёрна Ульвеўса, 74-гадовага Бені Андэрсана і 75-гадовай Ані-Фрыд Лінгстад, паведамляе gordonua.com.

На афіцыйным запісе гурта ў Instagram 4 верасня з'явіліся аватары кожнага з салістаў АВВА. На лічбавых копіях ім на выгляд гадоў 30-35, яны апранутыя ў камбінезоны з люмінесцэнтнай падсветкай.

«Пазнаёмцеся з лічбавымі аватарамі Агнэты, Б'ёрна, Бэні і Ані-Фрыд, якія з'явяцца на канцэрце ABBA Voyage», - гаворыцца ў подпісе да фота.

Пару дзён таму ў часе адмысловага стрыму на сваім YouTube-канале музыкі распавялі, што будучае сусветнае турнэ, якое стартуе 22 траўня 2022 года ў Лондане, будзе праходзіць у незвычайным фармаце. Замест непасрэдна салістаў АВВА на сцэне будуць іх лічбавыя копіі, якія атрымалі назву «АВВАтары».

У стварэнні віртуальных выканаўцаў браў удзел знакаміты галівудскі рэжысёр, стваральнік кінаэпапеі «Зорныя войны» Джордж Лукас.

Кантэкст:

ABBA - адзін з самых паспяховых гуртоў у гісторыі поп-музыкі, запісы якога па ўсім свеце разышліся накладам больш за 350 млн экзэмпляраў. Гурт быў створаны ў 1972 годзе і праіснаваў 10 гадоў. Назву калектыў атрымаў з першых літар удзельнікаў - Агнэта Фельтског, Б'ёрн Ульвеўс, Бэні Андэрсан, Ані-Фрыд Лінгстад.

Гурт быў першым прадстаўніком кантынентальнай Еўропы, які здабыў першыя месцы ў чартах усіх вядучых ангельскамоўных краін - ЗША, Вялікай Брытаніі, Канады, Ірландыі, Аўстраліі і Новай Зеландыі. За выдатныя заслугі ў музыцы ў сакавіку 2010 года гурт быў уключаны ў Залу славы рок-н-ролу.

У дыскаграфіі гурта ўсяго восем альбомаў. У 1982-м АВВА распалася. У 2000 годзе музыкам прапаноўвалі $1 млрд за ўз'яднанне і сусветнае турнэ, але яны адмовіліся. 2 верасня 2021 года стала вядома пра ўз'яднанне АВВА, праз амаль 40 гадоў пасля распаду.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».