Навальны пракаментаваў выбары ў Думу

Лідар расейскай апазіцыі ўпэўнены, што «Адзіная Расея» прайграла з разгромным вынікам.

Лідар расейскай апазіцыі Аляксей Навальны ўважае, што без уліку масавых фальсіфікацый улады пуцінскай партыі «Адзіная Расея» прайграла выбары ў Дзярждуму з «разгромным» вынікам.

Палітык параўнаў выбары з футбольным матчам, у якім, нягледзячы на тое, што ўпэўнена перамагла каманда апазіцыі, табло знаходзіцца ў руках ўлады, і яна «намалявала» свой ілжывы вынік.

«Тэхнічна мы бачым велізарны поспех «разумнага галасавання». А ў Маскве і Піцеры так наогул трыумф... Але, па-сумленнаму, агульны вынік «перамогай» не назавеш. Наш вынік тупа скрадзены. Перамаляваны самым прымітыўным чынам.

У выніку разбітая выбарцамі партыя пуцінскіх злодзеяў «Адзіная Расея» зноў атрымлівае большасць у Думе.

У нас з вамі класічная сітуацыя матчу і табло з аб'явамі выніку.

Раней мы зрэдку мелі ў матчах нічые, зрэдку - перамогу. А жулікі падкручвалі вынікі на табло, каб іх выйгрыш выглядаў больш пераканаўча.

А зараз мы аб'ядналіся, сфакусаваліся і з дапамогай УМГ проста разнеслі апанента на матчы. Але табло-то ў іх. І яны зноў намалявалі сабе перамогу», - адзначаецца ў яго сацыяльных сетках.