Гульні ў Токіё: французскі баксёр зладзіў страйк на рынгу
8- 1.08.2021, 11:12
- 12,090
Мурад Аліеў апратэставаў пастанову суддзі.
Баксёр з Францыі Мурад Аліеў зладзіў страйк пасля таго, як яму прысудзілі паразу ў чвэрцьфінальным паядынку на Алімпіядзе ў Токіё. Пра гэта паведамляе Associated Press (пераклад - meduza.io).
Падчас бою з брытанцам Фрэйзерам Кларкам у катэгорыі звыш 91 кілаграма Аліеву залічылі паразу і дыскваліфікавалі. Рэферы палічыў, што Аліеў наўмысна наносіў спаборніку ўдары галавой. Баксёр быў не згодны з такой пастановай і адмовіўся пакідаць рынг.
#Boxing : 20 minutes after disqualification from his quarter-final bout against #TeamGB’s Fraser Clarke, Frenchman Mourad Aliev is still staging what is being described as a sit-in protest at the decision…#Tokyo2020 pic.twitter.com/M7caAuQI0K
— Tom Harle at #Tokyo2020 🇯🇵🇬🇧 (@TomHarleSB) August 1, 2021
Аліеў сядзеў у куце рынга амаль 30 хвілін. Затым пайшоў разам з арганізатарамі, але праз 15 хвілін вярнуўся на рынг. Ён заставаўся там яшчэ блізу 15 хвілін, пасля чаго скончыў страйк.
«Гэта быў мой спосаб паказаць, што пастанова была несправядлівай. Я хацеў змагацца з усёй гэтай несправядлівасцю... Я трэніраваўся ўсё сваё жыццё для гэтага і саступіў праз пастанову аднаго рэферы», - заявіў баксёр.
26-гадовы Мурад Аліеў нарадзіўся ў Маскве і ва ўзросце шасці гадоў пераехаў у Францыю. Ён з'яўляецца чэмпіёнам Францыі і срэбным прызёрам Еўрапейскіх гульняў у Беларусі.
