На слуцкай трасе праз спякоту падняло пліты

Відэафакт.

На 67-м кіламетры слуцкай трасы ад Менска праз анамальную спякоту з'явіліся вялікія расколіны, піша onliner са спасылкай на відавочцаў.

Кіроўцы налічылі як мінімум тры дэфармацыі на трасе Р-23 Менск - Слуцк - Мікашэвічы: на 70-м, 60-м і 48-м км дарогі.

Паведамляецца, што расколіны ўтварыліся менавіта на тых участках слуцкай трасы, дзе асновай з'яўляюцца бетонныя пліты - так званая «бетонка».

Падобныя выпадкі назіраліся і ў іншых рэгіёнах - у сераду такая ж праблема назіралася на адрэзку трасы М-10 паміж Калінкавічамі і Жыткавічамі.

Нагадаем, што ў самым Слуцку, як і ў некаторых іншых гарадах краіны, пабіты тэмпературны рэкорд чэрвеня. Слупок тэрмометра падымаўся да +36.