У Вільні завочна асудзілі двух мужчын, якія шпіёнілі на карысць Расеі

Цяпер яны хаваюцца.

Зламыснікі збіралі інфармацыю аб ахове памяшканняў экс-прэзідэнта Далі Грыбаўскайтэ. Яны ўстанавілі кантакты з супрацоўнікамі аховы і кантралявалі сістэму бяспекі, паведамляе LRT.

Паасобку адзін ад аднаго і ў розны час, шпіёны РФ вербавалі літоўскіх грамадзян, якія цікавілі ФСБ РФ у сувязі з досведам папярэдняй працы і наяўнасцю вялікіх сувязяў з былымі і дзейнымі супрацоўнікамі розных літоўскіх устаноў.

Шпіёны за ўзнагароджанне збіралі і падавалі інфармацыю, звязаную з супрацоўнікамі Дэпартамента аховы кіраўніцтва Літвы.

Суд прызнаў, што асобы, якія ажыццяўлялі гэтую злачынную дзейнасць, імкнуліся атрымаць як мага больш поўную інфармацыю аб цяперашніх і былых супрацоўніках Дэпартамента дзяржбяспекі, у тым ліку кампрамат.

Аднаму з шпіёнаў суд ужо вынес прысуд у 10 з паловай гадоў пазбаўлення волі, а другому - да 9 гадоў і трох месяцаў. Абодва яны цяпер хаваюцца ў Расеі і знаходзяцца ў вышуку.

Раней паведамлялася, што агенцтва ўнутранай бяспекі Польшчы (ABW) затрымала польскага грамадзяніна паводле падазрэння ў шпіянажы на карысць Расеі, паведамляецца ў заяве на сайце ўстановы.

Мужчына прызнаў сябе вінаватым. Суд пастанавіў арыштаваць затрыманага на тры месяцы.

Таксама суд у амерыканскім штаце Канэктыкут прызнаў расейца Алега Коткіна вінаватым у наданні «крыптапаслуг», якія дапамагалі хакерам атрымліваць доступ да кампутараў.