Еўрадэпутат ад Літвы: Мы будзем трымаць рэжым Лукашэнкі пад ціскам, які будзе няспынна расці

Рэжым разумее толькі мову санкцый.

Еўразвяз зацвердзіў санкцыі супраць 78 фізічных асобаў і 8 кампаній, звязаных з рэжымам Лукашэнкі. Таксама дадзенае «зялёнае святло» для ўвядзення сектаральных санкцый.

Сайт Charter97.org папрасіў еўрадэпутата ад Літвы Пятраса Аўштравічуса ацаніць новыя санкцыі супраць беларускага рэжыму.

– Я назваў бы чацвёрты пакет санкцый вельмі моцным пасланнем рэжыму Лукашэнкі і ў той самы час – выразам салідарнасці з беларусамі. Розныя кірункі і розныя мэсэджы.

– У санкцыйны спіс трапілі і «кішэні Лукашэнкі». Ім забаронены ўезд на тэрыторыю ЕЗ, іхнія рахункі ў еўрапейскіх банках будуць замарожаныя. Як вы думаеце, гэта моцны сігнал для асяроддзя дыктатара?

– Безумоўна, гэта правільны пасыл. Я назваў бы гэта абсалютна адэкватнай формай рэагавання. Гэтыя людзі вельмі багатыя, яны хочуць быць багатымі, каб карыстацца ўсімі таварамі і паслугамі еўрапейскага ўзроўню, таму замарожванне актываў, закрыццё для іх Шэнгенскай зоны – гэта тое, што трэба рабіць.

Падобныя захады патрэбныя не толькі супраць гэтых людзей, а супраць больш шырокага кола, таму што ёсць алігархі, а ёсць больш дробныя ўплывовыя фігуры ў Беларусі, якія ўсё яшчэ проста ці ўскосна падтрымліваюць Лукашэнку. Вось чаму мы павінны прадаўжаць у тым жа духу. Яны сапраўды разумеюць гэтую мову.

– Таксама даецца «зялёнае святло» на ўвядзенне эканамічных санкцый. Еўрапарламент у сваёй рэзалюцыі выступаў за яшчэ большыя абмежавальныя захады. Ці можна меркаваць, што гэта свайго роду аванс, а калі рэжым не пойдзе на саступкі – зробяць больш жорсткія дзеянні?

– Я думаю, што ў пятым пакеце санкцый будуць сектаральныя і эканамічныя санкцыі.

Еўрапейскі Звяз павінен трымаць рэжым Лукашэнкі толькі пад нарастальным ціскам, а не змяншальным. Мэта гэтага ціску і нашага паслання Лукашэнку – пачаць дыялог з апазіцыяй, сесці за круглы стол.

Мы дамагаемся абсалютна зразумелай рэчы, якую трэба закончыць як мага хутчэй, каб рэжым не прыгнятаў людзей яшчэ больш. Таму я мяркую, што гэта абсалютна правільная ідэя, і спадзяюся, што Еўрапейскі Звяз зробіць нешта яшчэ ў будучыні.

– Напярэдадні сустрэчы кіраўнікоў МЗС ЕЗ гучалі заявы, што Аўстрыя блакуе жорсткія захады супраць рэжыму Лукашэнкі. Сённяшняя пастанова – паказнік адзінства ЕЗ?

– У значнай ступені так, хоць падрыхтоўка гэтай пастановы была няпростай. Аўстрыя не думала, але я рады, што пазіцыя Еўразвязу ў падтрымцы беларусаў стала адзінай. Я спадзяюся, што краіны вучацца, якім чынам паводзіць сябе супраць дыктатараў і такіх рэпрэсіўных фігураў, як Лукашэнка. Гэта можа быць вельмі добры досвед для Еўрапейскага Звязу ў будучыні.

– Галоўным патрабаваннем беларускіх пратэстоўцаў з'яўляецца вызваленне палітвязняў і свабодныя выбары. Што яшчэ ЕЗ можа зрабіць для таго, каб дапамагчы беларускаму народу ў дасягненні гэтых мэтаў?

– Чацвёртым і пятым пакетамі санкцый мы, Еўрапейскі Звяз, пасылаем вельмі моцны сігнал Лукашэнку, але нам трэба зрабіць нешта яшчэ, каб дапамагчы грамадзянскай супольнасці, актывістам, асабліва палітвязням і чальцам іх сем'яў, каб пераадолець гэты вельмі складаны перыяд. Вельмі патрэбная прамая дапамога.

Палітычная падтрымка, усякага кшталту арганізацыйная падтрымка ўсіх актывістаў, СМІ, якія ўсё яшчэ застаюцца і пішуць пра Беларусь, павінны атрымаць нашу падтрымку безумоўна. Санкцыі ўведзеныя супраць рэжыму, але наша дапамога павінна быць усё больш і больш эфектыўнай для людзей у Беларусі, таму я мяркую, што мы яшчэ павінны прымаць правільныя пастановы.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]