Twitter дадаў эмодзі ў падтрымку руху за дэмакратыю ў Паўднёва-Усходняй Азіі
- 8.04.2021, 15:06
- 1,078
Эмодзі аўтаматычна з'яўляецца, калі надрукаваць пэўныя хэштэгі.
Кампанія Twitter дадала ў сэрвіс мікраблогаў эмодзі ў падтрымку Milk Tea Alliance («Альянс малочнай гарбаты») - руху за дэмакратыю ў Ганконгу, Тайвані і Тайландзе. У сацсетцы заявілі, што наважылі падтрымаць альянс, які пачаўся з мему ў Twitter і вырас да глабальнага руху, піша «Зеркало недели. Украина».
Такім чынам сацсетка выступіла ў падтрымку альянсу ў гадавіну яго стварэння. Эмодзі - гэта белая шклянка з гарбатай на фоне трох колераў, якія прадстаўляюць розныя адценні малочнай гарбаты ў Тайландзе, Тайвані і Ганконгу. Гэтыя ж колеры ўтвараюць сцяг руху.
Падпісвайцеся на наш Telegram-канал з навінамі тэхналогій і культуры.
Эмодзі аўтаматычна з'явіцца, калі карыстальнік надрукуе хэштэг #MilkTeaAlliance або аналагі на мясцовых мовах.
To celebrate the first anniversary of the #MilkTeaAlliance, we designed an emoji featuring 3 different types of milk tea colours from regions where the Alliance first formed online. It automatically appears when you Tweet any of the hashtags below👇 pic.twitter.com/QiIBBbKfQc
— Twitter Public Policy (@Policy) April 8, 2021
Як піша Reuters, пік выкарыстання хэштэга прыпаў на люты, калі ў М'янме адбыўся ваенны пераварот. За апошні год гэты хэштэг у Twitter выкарыстоўвалі 11 мільёнаў разоў. Фармальна да руху належаць таксама актывісты М'янмы і Індыі.