Балтыйскія краіны ўпершыню цалкам адмовіліся ад электраэнэргіі з Расеі
5- 12.04.2021, 12:53
- 4,508
Краіны будуць сінхранізавацца з энэргасеткамі Еўропы.
Балтыйскія краіны ўпершыню цалкам адмовіліся ад электраэнэргіі з РФ на час выпрабаванняў па выхадзе з энэргакальца БРЭЛЛ (Беларусь, Расея, Эстонія, Латвія і Літва), намечанага на 2025 год.
Пра гэта паведамляе "Коммерсант".
Адзначаецца, што Латвія без тлумачэння прычын спыніла камерцыйны імпарт з РФ на два дні, 8 і 11 красавіка. У той жа час праводзілася тэставае адключэнне ЛЭП паміж Беларуссю і Літвой.
У выніку кошты электраэнэргіі ў еўрапейскай частцы РФ аселі, у Літве ж спотавыя кошты, наадварот, выраслі.
Нагадаем, у 2019 годзе была прынятая пастанова аб адмове краін Балтыі ад электраэнэргіі з Беларусі і Расеі і іх сінхранізацыі з энэргасеткамі Еўропы.