Прэм'ер Тайланда распыліў антысептык на журналістаў

Яму не спадабалася пытанне.

Пасля пытання пра магчымыя перастаноўкі ва ўрадзе прэм'ер Тайланда Прают Чан-оча распыліў на журналістаў спрэй-дэзінфектар. Інцыдэнт, як паведамляе агенцтва Anadolu, адбыўся на штотыднёвай прэс-канферэнцыі. Журналісты папрасілі кіраўніка ўрада назваць канкрэтныя прозвішчы новых чальцоў кабінета, паведамляе РБК.

Прают замест адказу абышоў журналістаў, што сядзелі, распыляючы на іх сродак дэзінфекцыі. Пры гэтым ён параіў ім займацца сваёй справай. Ён пакінуў брыфінг, працягваючы распыляць спрэй вакол сябе.