Міхалок выканаў хіт Вольскага «Тры чарапахi» і ўразіў публіку

Відэафакт.

Вядомы беларускі спявак і аўтар песень, лідар панк-рок-гурта Brutto Сяргей Міхалок пераспяваў легендарны хіт N.R.M «Тры чарапахi».

Відэа яго варыянту выканання гэтай кампазіцыі апублікаванае ў Instagram гурта Brutto 17 сакавіка.

«Сяргей Міхалок выконвае хіт многіх пакаленняў беларусаў - песня Лявона Вольскага і гурта N.R.M. «Тры чарапахi», - гаворыцца ў апісанні роліка.

Кадры ўмомант сталі віруснымі. Каментары да іх абмежаваныя, аднак, мяркуючы па колькасці праглядаў і «ўпадабаек», інтэрпрэтацыя Міхалка прыйшлася да спадобы прыхільнікам: менш чым за гадзіну пасля публікацыі відэа паглядзелі больш за 2000 разоў і паставілі звыш 390 адзнак «падабаецца».