«Белавія» змяняе правілы для пасажыраў, якія вылятаюць у Польшчу

Змены набываюць моц з 27 студзеня.

У авіякампаніі "Белавія" распавялі, што з 27 студзеня змяняюцца правілы ўезду ў Польшчу.

"З 27 студзеня змяняюцца правілы ўезду ў Польшчу. Пасажырам, якія вылятаюць рэйсам Менск-Варшава, уключна з транзітам праз Менск ці Варшаву, рэкамендуецца прайсці ПЛР або экспрэс-тэст на SARS-Cov-2 (антыген ці антыцелы) не раней, чым за 48 гадзін да вылету з аэрапорта адпраўлення", - гаворыцца ў паведамленні на сайце авіявозніка.

У "Белавія" ўдакладнілі, што пасажыры, якія падалі тэст, вызваляюцца ад самаізаляцыі па прыбыцці, піша interfax.by.

"Экспрэс-тэст на антыген выконваецца ў Нацыянальным аэрапорце Мінск перад вылетам", - паведамілі ў авіякампаніі.

Аплата магчымая праз банк або праз аплатны тэрмінал.