Стала вядома пра стан менчука, які падпаліў сябе на плошчы Незалежнасці

Інцыдэнт адбыўся 22 студзеня.

Чалавек, які падпаліў сябе каля Дому ўраду, знаходзіцца ў крытычным стане, але ўсё яшчэ жывы.

«Павел знаходзіцца ў рэанімацыі ў штучнай коме. У яго 72% апёкаў на целе, апёкі 4 ступені на галаве. Прагноз несуцяшальны, але сэрца дужае, магчыма, выжыве», - паведаміў «Белсату» знаёмы Паўла Банькоўскага.

Інцыдэнт адбыўся 22 студзеня на плошчы Незалежнасці. 35-гадовы мужчына абліў сябе гаручай вадкасцю і пстрыкнуў запальнічкай. Ахоўнікі плошчы Незалежнасці і выпадковы мінак кінуліся яго тушыць.