У Кітаі выратавалі 11 шахцёраў, якія два тыдні прабылі пад заваламі
1- 24.01.2021, 13:25
- 16,544
Відэафакт.
У Кітаі 24 студзеня выратавалі 11 шахцёраў, якія два тыдні прабылі пад заваламі на залатым рудніку ў правінцыі Шаньдун на ўсходзе краіны, як піша "Гордан". Пра гэта паведамляе агенцтва Xinhua.
Miracle of life: A Chinese miner has been rescued two weeks after being trapped hundreds of meters underground in Shandong Province. #GLOBALink pic.twitter.com/NXmX7oooJd
— China Xinhua News (@XHNews) January 24, 2021
Першы выратаваны сёння шахцёр знаходзіўся ў вельмі слабым стане, яго даставілі ў шпіталь для лячэння.
Відэа выратавання аднаго з гарнякоў Xinhua апублікавала ў сваім Twitter.
Выбух на шахце здарыўся 10 студзеня, праз гэта 22 гарнякі апынуліся пад заваламі на глыбіні блізу 600 метраў. Як адзначае BBC, тыдзень ніхто з шахцёраў не падаваў прыкметаў жыцця, і толькі ў мінулую нядзелю, 17 студзеня, ратавальнікі адчулі нацяжэнне аднаго з тросаў, якія яны апускалі ў невялікія шахты.
Потым на вяроўцы была адпраўленая папяровая запіска ад групы з 12 выжылых шахцёраў – 11 з іх апынуліся ў пастцы ў адным месцы, а 12-ы знаходзіўся асобна ад іх. Неўзабаве адзін з гарнякоў памёр ад ранення, атрыманага пры выбуху. З выжылымі ратавальнікі падтрымлівалі сувязь, на тросе яны апускалі ім ежу і медыкаменты.
Астатнія 10 гарнякоў, якія апынуліся пад заваламі, на гэты момант уважаюцца загінулымі.