Таракана могуць пазбавіць права на правядзенне яшчэ аднаго буйнога турніру

Да гэтага заклікаў Фонд спартовай салідарнасці.

Беларускі фонд спартовай салідарнасці заклікаў Міжнародны звяз сучаснага пяціборства (UIPM) не праводзіць чэмпіянату свету ў Беларусі, паведамляе «Трыбуна».

«Не трэба ўзнагароджваць жорсткі рэжым Лукашэнкі правядзеннем такіх буйных турніраў у краіне. У Беларусі грамадзяне церпяць ад гвалту, катаванняў і дыскрымінацыі з боку ўладаў, а амаль 200 палітычных зняволеных утрымліваюцца ў турмах.

Сучаснае пяцібор'е не павінна асацыявацца з падтрымкай жорсткага рэжыму Лукашэнкі. Заклікаем вас адклікаць права Беларусі на правядзенне чэмпіянату свету», – заявіў БФСС.

Чэмпіянат свету павінен прайсці з 7 да 13 чэрвеня. Раней Беларусь страціла права на правядзенне ЧС-2021 у хакеі з шайбай.