Карнікі ў балаклавах затрымліваюць беларусак на праспекце Незалежнасці

Яны зацягваюць жанчын у аўтобусы.

На праспекце Незалежнасці каля менскай гімназіі №23 сілавікі ў балаклавах і чорных шлемах затрымліваюць жанчын. Яны вядуць беларусак у аўтобусы, паведамляе тэлеграм-канал «Радыё Свабода».

Затрыманні працягваюцца і ў дварах гімназіі. Там забралі некалькі дзясяткаў жанчын.

Тым не менш, удзельніцы Марша, пакінутыя на волі, працягваюць гуляць па праспекце Незалежнасці.