Відэа пра тое, як ШІ зрывае маскі з сілавікоў, паглядзелі больш за 720 тысяч чалавек

Зварот IT-спецыяліста да лукашэнкаўскіх карнікаў набірае папулярнасць на Youtube.

Беларускі мастак і распрацоўнік гульняў Андрэй Максімаў паказаў відэа, як штучны інтэлект (ШІ) апазнае сілавікоў на фотаздымках і «зрывае з іх маскі».

Ён прадэманстраваў інструмент, які дазваляе па вачах знайсці асабістыя звесткі супрацоўніка АМАП і нават аднавіць твар на зыходнай фатаграфіі. Гэтым відэа Андрэй заклікае сілавікоў адмовіцца ад загадаў разганяць дэманстрантаў.

Відэа было апублікаванае ўчора на ягоным Youtube-канале. Да поўдня 25 верасня відэа сабарала больш за 720 тысяч праглядаў.