Нарвегія адклала паслабленне карантыну праз рост выпадкаў каранавіруса

Урад разглядае магчымасць увядзення новых абмежаванняў.

Нарвегія наважыла адкласці шэраг запланаваных крокаў для паслаблення абмежаванняў, звязаных з каранавірусам.

Аб гэтым заявіла прэм'ер-міністр Эрна Солберг, паведамляе «Еўрапейская праўда» са спасылкай на The Local.

Прэм'ер таксама заявіла, што ўрад разглядае магчымасць увядзення новых абмежаванняў.

Солберг не ўдакладніла характар патэнцыйных новых абмежаванняў, але сказала, што больш падрабязная інфармацыя будзе пададзеная найбліжэйшым часам.

Прэм'ер сказала, што нарвежцы вельмі спакойна ставяцца да пагрозы віруса ў той час, калі колькасць выпадкаў інфекцыі ў краіне расце.

«Мы павінны сапраўды прытрымлівацца правілаў, якія прадухіляюць заражэнне. Вось чаму сёння ўрад наважыў трохі прытармазіць, каб нам не давялося імкліва спыняцца. Ніхто не хоча вяртацца ў сакавіку», - дадала яна.

Нарвежскія СМІ паведамілі, што органы аховы здароўя плануюць стварыць цэнтры тэставання на COVID-19 на памежных пераходах, у аэрапортах і партах.

У чацвер нарвежскія ўлады абвясцілі, што ўсім прыбылым з Швайцарыі, Чэхіі і Францыі з 8 жніўня давядзецца праходзіць 10-дзённы карантын.

Нарвегія і іншыя паўночныя краіны, у адрозненне ад многіх іншых еўрапейскіх краін, пакуль не рэкамендуюць людзям насіць маскі ў грамадскіх месцах, але ўлады заявілі, што пераглядаюць правілы пасля росту колькасці выпадкаў у Еўропе.