«Лекарам забараняюць ставіць дыягназ COVID-19 і рабіць тэсты на каранавірус»

Беларус звярнуўся да медыкаў.

З многіх рэгіёнаў краіны тэлеграм-каналу «Баста» паведамляюць пра тое, што лекарам забараняюць ставіць дыягназ Covid-19 і рабіць тэсты на каранавірус. Чытач звярнуўся да медыкаў:

- Цяпер паступае злачынны загад не рабіць тэсты на Covid-19, ставіць падманныя дыягназы і ўсяляк утойваць статыстыку. Дарагія лекары, я вельмі цаню тое, што вы ратуеце жыцці.

Але навошта вы патураеце ўладам? Ратаваць жыцці можна і з правільнымі дыягназамі і з правядзеннем тэстаў. Так можна выратаваць больш жыццяў.

Спачатку вы пагаджаецеся выконваць злачынныя загады, а потым жаліцеся, што вас пазбаўляюць даплат за працы з каранавіруснымі пацыентамі. Калі пагаджаецеся выконваць злачынныя загады, то самі падпісваеце вусную дамову аб парушэнні законаў.

Вялікая ўдзячнасць за тое, што вы прадаўжаеце рабіць сваю працу. Але яе можна рабіць не ўтойваючы праўды - многія з вас так і паступаюць, нягледзячы на вокрыкі начальства.