Войскі генерала Хафтара адступілі ад Трыпалі

Спроба сіл Хафтара, якая пачалася 14 месяцаў таму, узяць сталіцу Лівіі завяршылася няўдачай.

Атрады Лівійскага нацыянальнага войска генерала Халіфы Хафтара цалкам пакінулі наваколлі Трыпалі - пасля шэрагу параз ад сіл Урада нацыянальнай згоды, якія супрацьстаяць ім у грамадзянскай вайне, паведамляе svoboda.org.

Такім чынам, спроба сіл Хафтара ўзяць сталіцу Лівіі, якая пачалася 14 месяцаў таму, завяршылася няўдачай.

Праціўнікам Хафтара ўдалося заняць міжнародны аэрапорт і іншыя раёны на поўдзень ад Трыпалі.

Адступленне сіл Хафтара не азначае спынення баявых дзеянняў - яны працягваюцца, нягледзячы на тое, што абодва бакі канфлікту выказвалі згоду на перамовы аб перамір'і.

У Лівіі ідзе грамадзянская вайна. Зараз захад і сталіца Лівіі кантралюе Урад нацыянальнай згоды. Яго прызнае ААН і краіны Захаду. Вайсковую падтрымку яму аказвае Турцыя. Усход і частка поўдня краіны знаходзяцца пад кантролем так званага Лівійскага нацыянальнага войска Хафтара, фармальна якая прадстаўляе Палату прадстаўнікоў Лівіі, якая засядае ў Тобрук. Ёй у сваю чаргу дапамагаюць ААЭ і Егіпет.

Хафтар неаднаразова наведваў Маскву, вёў перамовы з высокапастаўленымі расейскімі прадстаўнікамі. Афіцыйна Расея не падтрымлівае ні адзін з бакоў канфлікту, аднак маецца мноства сведчанняў пра прысутнасць на тэрыторыі, кантраляванай атрадамі Хафтара, байцоў так званай ПВК Вагнера.

Афрыканскае камандаванне Узброеных сіл ЗША на мінулым тыдні заявіла, што Расея нядаўна перакінула ў Лівію не менш за 14 баявых самалётаў, якія размешчаныя на паветранай базе ЛНА ў цэнтральнай частцы краіны. У Маскве адмаўляюць перакідку самалётаў.